കമ്പിവിള 16ാം വാർഡിൽ ഹരിത കർമ്മ സേനയുടെ നേതൃത്വത്തിൽ പഴയ ബാഗുകൾ, ചെരുപ്പുകൾ തുടങ്ങിയ ഉപയോഗശൂന്യമായ വസ്തുക്കൾ ശേഖരിക്കുന്ന പരിപാടി സംഘടിപ്പിച്ചു. വാർഡ് മെമ്പർ എസ്. സജീവ് പരിപാടി ഔപചാരികമായി ഉദ്ഘാടനം ചെയ്തു. മാലിന്യ സംസ്കരണ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും പുനരുപയോഗം പ്രോത്സാഹിപ്പിക്കുന്നതിനുമാണ് ഈ സംരംഭം നടപ്പിലാക്കുന്നത്. വീടുകളിൽ കെട്ടിക്കിടക്കുന്ന പഴയ ബാഗുകൾ, ചെരുപ്പുകൾ എന്നിവ ഹരിത കർമ്മ സേനയ്ക്ക് കൈമാറി ശുചിത്വ പ്രവർത്തനങ്ങളിൽ എല്ലാവരും പങ്കാളികളാകണമെന്ന് വാർഡ് മെമ്പർ അഭ്യർത്ഥിച്ചു. കമ്പിവിള 16ാം വാർഡിലെ ഹരിത പ്രവർത്തനങ്ങൾക്ക് ഈ പരിപാടി പുതിയൊരു മുന്നേറ്റമായി മാറുന്നു.
