ത്രിക്കോവിൽവട്ടം ഗ്രാമപഞ്ചായത്തിലെ 22-ാം വാർഡായ ഡീസന്റ് ജംഗ്ഷൻ വാർഡിൽ പ്ലാവിളമേലതിൽ–കളരി റോഡിന്റെ സ്പിൽ ഓവർ പദ്ധതിയായി ഉൾപ്പെടുത്തി നടപ്പാക്കിയ കോൺക്രീറ്റ് പാതയുടെ നിർമ്മാണം പൂർത്തീകരിച്ചു. വാർഡ് മെമ്പർ രാജലക്ഷ്മി വി.ആറും ബ്ലോക്ക് മെമ്പർ അഡ്വ. ആര്യ ജി. ചന്ദ്രനും സാന്നിധ്യത്തിൽ പദ്ധതി പ്രവർത്തനം പൂർത്തിയാക്കി. പ്രദേശവാസികളുടെ യാത്രാസൗകര്യം മെച്ചപ്പെടുത്തുന്നതിനും റോഡിന്റെ ഗതാഗതയോഗ്യത ഉയർത്തുന്നതിനും ലക്ഷ്യമിട്ടാണ് കോൺക്രീറ്റ് പാത ഒരുക്കിയത്. പദ്ധതിയുടെ പൂർത്തീകരണത്തോടെ പ്രദേശത്തെ യാത്രക്കാർക്കും നാട്ടുകാർക്കും കൂടുതൽ സൗകര്യപ്രദമായ ഗതാഗത സംവിധാനം ലഭ്യമാകും. വാർഡിലെ അടിസ്ഥാന സൗകര്യ വികസനത്തിന് കൂടുതൽ കരുത്തേകുന്ന പദ്ധതിയായി ഇതിന്റെ പൂർത്തീകരണം മാറി.
പ്ലാവിളമേലതിൽ–കളരി റോഡ് കോൺക്രീറ്റ് പാത പൂർത്തിയായി
