Spread the love

 

കേന്ദ്ര സർക്കാരിന്റെ പോഷൺ കി മാഹിന്‍ ആഘോഷങ്ങളുടെ ഭാഗമായി തൃക്കോവിൽവട്ടം ഗ്രാമപഞ്ചായത്തിലെ 22-ാം വാർഡായ ഡീസന്റ് ജംഗ്ഷനിലെ 89-ാം അങ്കണവാടിയിൽ പോഷകാഹാര ഫെസ്റ്റ് 2026 സംഘടിപ്പിച്ചു. വാർഡ് മെമ്പർ രാജലക്ഷ്മിയുടെ നേതൃത്വത്തിൽ നടന്ന പരിപാടിയിൽ പോഷകഗുണങ്ങളുള്ള വിവിധ ഭക്ഷ്യവസ്തുക്കൾ ഉപയോഗിച്ച് തയ്യാറാക്കിയ വിഭവങ്ങൾ പ്രദർശിപ്പിച്ചു. കുട്ടികളിലും കുടുംബങ്ങളിലും പോഷകാഹാരത്തിന്റെ പ്രാധാന്യത്തെക്കുറിച്ച് അവബോധം വളർത്തുന്നതിനും ആരോഗ്യകരമായ ഭക്ഷണശീലങ്ങൾ പ്രോത്സാഹിപ്പിക്കുന്നതിനും ഫെസ്റ്റ് ലക്ഷ്യമിട്ടു. കുട്ടികളുടെ ആരോഗ്യകരമായ വളർച്ചയ്ക്കും പോഷകാഹാരക്കുറവ് തടയുന്നതിനും സമീകൃതാഹാരത്തിന്റെ പ്രാധാന്യം മനസ്സിലാക്കുന്നതിനും ഇത്തരം പരിപാടികൾ സഹായകരമാണ്. അങ്കണവാടികൾ കേന്ദ്രീകരിച്ച് പോഷകാഹാര ബോധവൽക്കരണ പ്രവർത്തനങ്ങൾ ശക്തിപ്പെടുത്തുന്നതിന്റെ ഭാഗമായാണ് ഫെസ്റ്റ് സംഘടിപ്പിച്ചത്.